Foi un 6 de Nadal de 2001, eran as cinco da tarde. Saiamos en procesión José Rey Kochinke e eu cos sacerdotes da diócese e o noso bispo para ser odenados na Catedral de Mondoñedo de mans de Mons. Gea Escolano. Acompañados por moitos sacerdotes que siguen onda nós unindo esforzos cada día, e acompañados tamén de moitos outros que hoxe están nas mans do pai. Soaban os acordes dun órgano da catedral de Mondoñedo tocado por don Jaime Cabot, e don Uxío García Amor entoaba o "Pueblo de Reyes". Dez anos despois, José e Javier voltamos a revivir aquel momento, e despois de felicitarnos por teléfono nesta ocasión lembramos os anos en que seguimos xuntándonos para celebrar xuntos a Eucaristía neste día ó longo destos dez anos. Neste día tan especial para a nosa memoria e para a nosa vivencia do ministerio e da fe, quero agradecer especialmente o camiño realizado a todos os que camiñades onda min, e especialmente a Deus o don da vocación e do compromiso con esta Igrexa de Mondoñedo-Ferrol.
No hay comentarios:
Publicar un comentario